«Рухани жаңғыру» бағдарламасы аясында Қарағанды индустриялық университетінің студенттері қазақтың ұлы ақыны және ойшылы Абай Құнанбайұлының туғанына 175 жыл толуына арналған облыстық пікірсайыс турниріне белсене қатысты. Турнир онлайн режимінде өтті. Турнирдің ұйымдастырушысы – Қарағанды облысының Тілдер басқармасы. Біздің университеттің атынан КарИУ «Абадан» пікірсайыс клубының үздік спикерлері Бедеров Алихан (МҚӨТ-17қ тобы) және Тәжіков Қонысбек (Қ-17қ тобы) қатысты.

Пікірсайыс турнирі рухани-адамгершілікті дамытуға, білімнің сабақтастығына және студент жастардың жаңа буынын патриотизмге тәрбиелеуге бағытталған. Өйткені, ұлы Абайдың философиясы мен даналығы – бұл қазақ халқының философиясы. Ақынның рухани мұрасы жыл сайын бүгінгі күннің өзекті мәселелері бойынша терең ой толғауларында жаңа қырлармен ашылады.

Пікірсайыс турнирінің қорытындысы бойынша орындар келесідей бөлінді:

1 орын – Қарағанды экономикалық университеті;

2 орын – Қарағанды индустриялық университеті;

3 орын – академик Е.А.Бөкетов атындағы Қарағанды университеті.

Пікірсайысшыларымызды жарқын және лайықты жеңісімен құттықтаймыз!