Сіздерді астана  күнімен шын жүректен құттықтаймын!

Астана – ел тәуелсіздігінің айғағы, жас мемлекетіміздің тұрақтылығы мен экономикалық дамуының символы. Елбасы Нұрсұлтан Назарбаевтың салиқалы да парасатты саясатының нәтижесінде қысқа мерзім ішінде астанамыз Қазақстанның ғана емес, бүкіл Еуразиялық кеңістіктің саяси, экономикалық және мәдени өмірінің ошағына айналды.

Бүгін Астана әлемдік саяси көшбасшылардың, серіктестер мен инвес­торлардың, түрлі конфессиялар мен діндер, мәдениет пен өнер өкілдерінің кездесетін орны болып табылады. Ол – әлемдік құрылыстың жаңа идеяларына негізделген ең батыл сәулет жобаларының іске асатын шаһары. Сондықтан да барша қазақстандықтар өз армандарын, үміті мен болашағын елордамен байланыстырады.

Осындай мерейлі шақта еліміздің қарқынды дамуы жолында аянбай еңбек етіп жүрген Сізге мықты денсаулық, баянды ғұмыр, отбасыңызға бақыт, береке тілейміз.

Әрбір жаңа бастамаларыңыз тек қана жеңіс пен сәттілікке үлесе берсін! Отанымыз – Қазақстан Республикасы дамып, гүлдене берсін!

Б. Жаутиков

Қарағанды мемлекеттік индустриялық

университетінің ректоры