Қарағанды индустриялық университеті – тау-кен және металлургия саласына арналған жоғары білікті кадрларды дайындау...
ҚМИУ «НҰР ОТАН» ПАРТИЯСЫНЫҢ ҚАРАҒАНДЫ ОБЛЫСТЫҚ ФИЛИАЛЫ ТӨРАҒАСЫНЫҢ БІРІНШІ ОРЫНБАСАРЫ ҚАДИША БАЗАРҚЫЗЫ ОСПАНОВА КЕЛДІ
[Дата публикации: 14.02.2020, 19:02:18, жариялауды: Әкімшілік]
«Адалдық» мектебі 2019 жылғы 6 желтоқсанда Қазақстан Республикасы Сыбайлас жемқорлыққа қарсы іс-қимыл агенттігінің төрағасы Алик Жатқамұлы Шпекбаевтың, Қарағанды облысының әкімі Жеңіс Махмудұлы Қасымбектің, Теміртау қаласының әкімі Ғалым Әбіханұлы Әшімовтің қатысуымен ашылды.
Мектептің ашылуының алдында университет негізінде жұмыс жасайтын «Нұр Отан» ХДП белсенді жұмысы, сонымен қатар ҚМИУ ректоры Бақыт Ахатұлы Жәутіковтың төрағалығымен «Нұр Отан» партиясының Теміртау филиалы жанындағы Сыбайлас жемқорлыққа қарсы іс-қимыл жөніндегі қоғамдық кеңес үлкен жұмыс атқарды.
Мектептің негізгі мақсаты – студенттік жастар ортасында сыбайлас жемқорлыққа қарсы мінез-құлық моделін қалыптастыру және жаңа формациядағы сыбайлас жемқорлыққа қарсы қозғалыстың жас өкілдерін оқыту, сонымен қатар біздің университеттің академиялық және ғылыми қызметін жетілдіру.
«Адалдық» мектебіне келу сапарында сыбайлас жемқорлыққа қарсы іс-қимыл, сондай-ақ студенттер арасында сыбайлас жемқорлыққа қарсы мәдениетті қалыптастыруға бағытталған «Нұр Отан» партиясының облыстық филиалымен өзара ынтымақтастығы талқыланды. Сонымен қатар, «Нұр Отан» партиясы облыстық филиалының және ҚМИУ бірлескен алдын алу шараларының іс-шаралар жоспарын жүзеге асыру жоспарланды.
ҚМИУ баспасөз қызметі
Просмотров: 938
