2019 жылдың 16-17 қарашасында Қарағанды мемлекеттік индустриялық университетінің «Абадан» клубының мүшелері Қазақстан Республикасының Тұңғыш Президенті – Ұлт Көшбасшысы Н.Ә.Назарбаевтың мұражайы және Астана қаласының дебатшыларының Альянсының ұйымдастыруымен өткен «Аспаннан Үлкен – 2019» республикалық пікір-талас сайысына белсенді қатысты. Іс-шара Нұр -Сұлтан қаласында өтті.

Осы «Аспаннан үлкен – 2019» ашық республикалық пікір-талас сайысына өз шеберліктерін, тапқырлығы мен білімдерін көрсеткен республикамыздың мықты дебаткерлері қатысты.

Бүгінгі пікір-талас студенттер арасында көшбасшылық қасиетті дамытудың ең танымал түрлерінің бірі болып саналады. Студенттердің мұндай іс-шараларға қатысуы, оларға тиісті дағдыларды игеруге мүмкіндік беріп қана қоймайды, сонымен бірге жеке тұлғаның шығармашылық белсенділігінің дамуына ықпал етеді, өз көзқарасын, қызығушылықтарын саналы түрде білдіруге және сауатты қорғауға, шешендік қабілеттерін, сөйлеу мәдениетін, сонымен қатар, толерантты диалог жүргізу қабілетін қалыптастыруға ықпал етеді.

Пікір-талас сайысының  барлық қатысушылары Алғыс хаттармен, жеңімпаздар мен жүлдегерлер дипломдармен, бағалы сыйлықтармен марапатталды.

Сайыс  нәтижесінде үшінші курс студенті Рахымжан Өміржол бірінші орынды иеленді.

Біздің университетіміздің дебаткерлері аймақтағы мықтылардың қатарында және ҚМИУ «Абадан» пікір-талас клубының бұл жеңісі – бірінші және соңғысы жеңіс емес.

Рақымжан Өміржолды жарқын және лайықты жеңісімен құттықтаймыз!

Қол жеткізген нәтижеде тоқтап қалмай, оны әрі қарай дамытуға және білімдерін ұштастыруға ұмтылуды тілейміз!

ҚМИУ баспасөз қызметі