Дөңгелек үстелге қатысушылар Теміртау – Тұңғыш Президенттің еңбек жолы басталған қала екенін атап өтті. Металлургтер шаһарының тұрғындары, шығармашылық және ғылыми зиялылар өкілдері халықты Қазақстан Республикасы азаматының конституциялық құқығын пайдаланып, еліміздің болашақ президентіне дауыс беруге шақырды.

Кездесуге қатысушылар кезектен тыс сайлау қазақстандық қоғамның одан арғы жолын анықтауға және еліміздің тәуелсіздік жылдарында қол жеткізген жетістіктерін сақтауға мүмкіндік беретінін атап өтті. Сондай-ақ ол қоғамның одан әрі экономикалық өркендеуін, демократиялануын, ұлтаралық және конфессияаралық келісім саясатын қамтамасыз етеді.

Дөңгелек үстел жұмысына “Қазақстан халқы Ассамблеясы” кафедрасының меңгерушісі Жанабергенова Динара Кеңесқызы қатысып, баяндама жасады. Өз баяндамасында ол жиналғандардың назарын Қазақстан Республикасы Президентінің сайлауына қатысудың маңыздылығына аударды. Сондай-ақ, Президент елдің ішкі және сыртқы даму бағытын айқындап, халықаралық аренада біздің мемлекетімізді көрсете отырып, Қазақстан Республикасының егемендігі мен тәуелсіздігін қорғау жөнінде шешім қабылдап отырғанын атап өтті.
Дөңгелек үстел жұмысына Теміртау тарихи-өлкетану мұражайының директоры Скорикова Наталья Дмитриевна, «Берегиня» орыс халық әндері ансамблінің жетекшісі Светлана Гежа, ТМҮ мәдени-демалыс жұмысы бөлімінің жетекшісі Алдашева Руза Жакыповна, ҚР Тұңғыш Президенті тарихи-мәдени орталығының экскурсоводы Қуаныш Тыныбек қатысты.

ҚМИУ баспасөз қызметі