Қарағанды мемлекеттік индустриялық университетінің өкілдері 26 мамыр күні Нұра ауданының Киевка кентінің мектептерінің 11 сынып оқушыларымен кездесті.

Мұндай кездесулер «Болашақ мамандықты таңдау» бағдарламасы шеңберінде Қарағанды облысының мектеп оқушыларымен тұрақты ұйымдастырылады. Осы кездесулер түлектерге мамандықты таңдаумен, осы мамандықтардың ерекшіліктерін білуге, студенттік қызықты өмірмен танысуға мүмкіндік береді.

ҚМИУ Қосымша білім орталығының жетекшісі Т. К. Акишев және «ТМжК» кафедрасының оқытушысы К. А. Азимбаев түлектерді университетте оқытылатын мамандықтар тізімімен таныстырды, сонымен қатар ҚМИУ жанындағы колледж туралы толық ақпаратты ұсынды және сұрақтарға жауап берді. Іс-шара соңында университет студенттері дайындаған концерттік бағдарлама ұсынылды.

ҚМИУ баспасөз қызметі