ҚМИУ кітапханасының басшылығы мен қызметкерлері дайындаған «Жаңа әдебиеттер» атты кітаптардың ашық көрмесі аяқталды. Үш күнде көрмеге жүзден астам адам келді.

Көптеген оқытушылар кітаптар көрмесінен кейін бірден өздеріне ұнаған оқулықтарды университеттің бас ғимаратының екінші қабатында орналасқан абонементтен алды. Келесі күні олардың студенттері де солай жасады. Бұл, негізінен, “ТМжК” кафедра өкілдері.

– Барлық жақсы оқулықтар кеңес дәуірінде ғана жазылған, және қазіргі кітаптар жоғары деңгейге жеткілікті емес деген пікір бар. Бірақ бұл түбірімен қате! Бүгінгі таңда керемет ғалымдар мен тамаша әдебиеттер бар, – дейді кітапхана меңгерушісі Светлана Носкова. – Біздің студенттерге айтқым келетіні: кітаптар туралы ұмытпаңыздар, бізге жиі келіңіздер, себебі кітап – шын мәнінде білім көзі болып табылады, интернеттен тексерілмеген ақпарат туралы айту мүмкін емес.

Кітапханада бізге хабарлағандай, келесі көрме ҚМИУ оқытушылары жазған жаңа оқулықтар мен оқу құралдары болады. Ол ақпанның соңғы күндеріне жоспарланған.

ҚМИУ баспасөз қызметі