ҚМИУ-дің барлық үш факультеттің өкілдері күзгі семестр аралығында  “Академиялық ұтқырлық” бағдарламасы бойынша Острава қ. Техникалық университетінде оқыды.

 Бағдарламаға қатысушылар «Металлургия», «Құрылыс», «Материалтану және жаңа материалдар технологиясы», «Материалдарды қысыммен өңдеу технологиясы», «Есептеу техникасы және бағдарламалық қамтамасыздандыру» және «Автоматтандыру және басқару» техникалық мамандықтарының студенттері. Чехияға барар алдында кандидаттар шет тілін меңгеру деңгейін көрсететін және білім туралы құжаттың жақсы орташа балы бар конкурстық іріктеудің екі кезеңінен өтті.

Студенттердің академиялық ұтқырлығы Болон декларациясының негізгі қағидаларының бірі және ҚМИУ қызметінің стратегиялық бағыттарының бірі болып табылады. Бұл бағдарлама жоғары білім сапасын жақсартуға, ғылыми зерттеулердің тиімділігін арттыруға, сыртқы және ішкі интеграциялық байланыстарды орнатуға, әлемдік білім беру ресурстарын пайдалануға бағытталған.

– Біздің студенттер басқа елде оқумен, тіл үйрету дағдыларын дамытады және кеңейтеді, сондай-ақ жаңа әдістерді меңгереді, – дейді ҚМИУ ректоры Бахыт Жәутіков. – Бірлескен білім беру бағдарламаларының түлектері халықаралық еңбек нарығында қосымша артықшылықтарға ие. «Академиялық ұтқырлық» бағдарламасына қатысу тәжірибесі интеллект көкжиегін кеңейтеді және жаңа кәсіби мүмкіндіктер береді. Төрт жылдық кезең ішінде біздің студенттердің сыртқы академиялық ұтқырлығы жылына төрт адамнан он екі адамға дейін өсті.

Әдеттегідей, үйге оралғаннан кейін бағдарлама қатысушыларында эмоциялар мен көрген нәрселерінің әсерлері көп.

Артем Плотников ( «Автоматтандыру және басқару» тобы, 2 курс):

– Чехия – өте айқын емес ел. Ол сапарымнан менде көптеген жағымды эмоциялар мен естеліктер қалды. Біз Острава қаласында оқыдық – бұл астанадан 370 шақырым жерде. Білімдегі барлық айырмашылықтарды және оның құндылығын сезіндік. Сен үшін ыңғайлы уақытта өз бетінше оқуға көп шығарылады, материалдар қол жетімді түрде беріледі. Барлық оқу материалдары, сондай-ақ өз сабақ кестесі мен тестілерде алынған баллдардың санын университет сайтынан өзіңнің жеке кабинеті арқылы еш қиындықсыз алуға болады. Онда мұғалімдер өте талапшыл, ешқандай жеңілдік жасамайды, менің ойымша әділ. Қыркүйек айының ортасынан бастап төрт ай ішінде мен электринженерия факультетінде оқыдым. Менің барлық дәрістерім осылай немесе басқаша бағдарламалаумен байланысты болды, сондықтан егер осы салада жетістікке жетсем, онда оқу осы жетістіктеріме үлкен ықпалын тигізгеніне сенімдімін.

Хуршид Ахмедов ( «Құрылыс» тобы, 2курс):

– Егер ағылшын тілін білсеңіз, шетелде оқу оңай. Ал Чехияда чехше жақсы білу – бұл жергілікті тұрғындармен қарым-қатынаста өте көмектеседі. Әрдайым көмектесуге дайын, ағылшын тілін әлі де жетік білмейтінімізді түсінетін университет  мұғалімдері маған ұнады. Студенттер өте жанашыр және мейірімді. Мен жергілікті балалармен достастым, олардың мәдениеті мен ұлттық тағамдары туралы білдім және Түркия, Италия, Вьетнам, Словакия, Германия және басқа елдердің өкілдерімен таныстым. Менің ойымша, бұл өмір бойына естелік.

Соңғы бірнеше жыл ішінде ҚМИУ студенттері мен магистранттары тек қана Чехияда ғана емес, сонымен қатар Польшаның, Ресейдің, Өзбекстанның және Қазақстанның жетекші жоғары оқу орындарында оқыды және тәжірибеден өтті. Өз кезегінде, ҚМИУ ҚарМТУ, Қазтұтынуодағы Қарағанды экономикалық университетінің және басқа да көптеген студенттер мен магистранттарға білім береді. Сонымен қатар, «АрселорМиттал Теміртау» АҚ-ның стратегиялық серіктестігі туралы меморандум аясында жыл сайын ҚМИУ-да LNMIIT (Jaipur, India) ақпараттық технологиялар Институтының 25-30 студенті оқиды.

– «Академиялық ұтқырлық» бағдарламасы ҚМИУ-да бірнеше жылдан бері жұмыс жасайды және Болон процесінің принциптеріне сәйкес келеді. Осы мақсаттарға арналған қаражат Қазақстан Республикасының Білім және ғылым министрлігі тарапынан бөлінеді. Содан кейін біз өзіміз  ынтымақтастық туралы келісімдерге қол қойған жоо-серіктестермен  келіссөз жүргіземіз. Содан кейін конкурстық іріктеуден өткен біздің студенттеріміз бір академиялық кезең үшін еуропалық оқу орындарына тегін жіберіледі – әдетте, бұл күздік семестрде, – дейді оқу ісі жөніндегі Галина Сивякова. – Осылайша, біздің университет уақытты бағындыра білім сапасын жақсартады. ҚМИУ студенттері шетелде жаңа пәндерді оқиды, қосымша ақпарат алады. Сонымен қатар, олар үшін мүлдем жаңа жүйеге кіріп, олар өмірдің басқа жағдайларына бейімделіп, өздерінің оқу траекториясын анықтауға үйренеді.

Жаңа уақыт оқыту үдерісіне инновациялық талаптарды енгізеді. Академиялық ұтқырлық заманауи жоғары білімнің ажырамас бөлігі болып табылатыны анық. ЖОО-да академиялық ұтқырлық ауқымын кеңейту, ЖОО сапасына өзгерту жүргізеді, бұл өз кезегінде оның барлық қызметкерлерінің жаңа міндеттерге дайын болуын талап етеді. Сондықтан, отандық білім беру жүйесі мен Қазақстанның тұтастай алғанда мүдделерін жетілдіруде оны қолдану үшін, бұл үдерістің барлық тараптарын зерделеуге қажеттілік туындайды.

Сапардың қатысушылары Герман Лифантьев пен Григорий Мисковтың атап өткендей, Остравадағы студенттік өмір өте бай: оқудан кейін тұрақты сапарлар мен іс-шаралар, мұражайлар мен планетарийлерге экскурсиялар. Әрі бұл студенттердің өз күшімен жасалынады – олар бос уақытты белсенді және сапалы жүргізуге қызығушылық танытады. Бағасы өте қолжетімді, себебі студенттерге жеңілдіктер қарастырылған. Егер оқытудың сапасын талдайтын болсақ, еуропалық пен қазақстандық білім беру жүйесі арасында айырмашылық жоқ дерлік. Көп нәрсе студенттің өзіне байланысты: егер сен оқығыңыз келсе – сен оны жасайсың. Бірақ мұндай сапар, әрине маңызды, өйткені бұл тәжірибе алмасу, басқа елмен танысу, шет тілін жетілдіру және әрі қарай даму мен алға қарай жылжу үшін жақсы ынталандыру екендігін “Академиялық ұтқырлық” бағдарламасының барлық қатысушылары атап өтті.

ҚМИУ баспасөз қызметі