Тіл – халықтың байлығы, ол халықтар достығына және ынтымақтастығына ықпал етеді. Адамдардың қарым-қатынасын байланыстыратын және тәрбие құралы. Халықтар достығы, өзара түсіністік және ынтымақтастық – жаңа Қазақстанды өркендетудің тірегі.

2017 жылдың 22 қыркүйігі күні Қарағанды мемлекеттік индустриялық университетінде «Қазақстан халықтарының тілі күні» мерекесі аясында 2-3 курс студенттері және оқытушылар арасында зияткерлік ойыны ұйымдастырылды.

Ойынға студенттер және оқытушылар командалары қатысты.

Әрбір командада 6 ойыншы болды.

Ойын үш раундтан құралды.

1-ші раунд – қазақ тіліндегі сұрақтар.

2-ші раунд – орыс тіліндегі сұрақтар.

3-ші раунд – ағылшын тіліндегі сұрақтар қойылды.

Үш раунд нәтижесі бойынша екі команданың ұпайы тең болды.

Екі команда мүшелері дипломдармен марапатталды. Команда капитандары Аружан Утемуратова және  Магира Солтановна Солтанға Алғыс хаттар, сонымен қатар екі командаға ҚМИУ кәсіподақ комитеті атынан тәтті сыйлықтар тапсырылды.

Қарағанды мемлекеттік индустриялық университетінің

Баспасөз қызметі