Қарағанды индустриялық университеті – тау-кен және металлургия саласына арналған жоғары білікті кадрларды дайындау...
Новостной блок от кафедры «История Казахстана и общие дисциплины»
[Дата публикации: 22.11.2015, 15:46:36, жариялауды: Әкімшілік]
- Қазақстан халықтарының тілдері күніне орай Қарағанды мемлекеттік индустриялық университетінің құрметті профессоры, техника ғылымдарының кандидаты Өтепберген Артықбайұлы Артықбаевтың металлургия саласындағы терминдер бойынша жарық көрген түсіндірме сөздігінің тұсаукесер рәсімі өткізілді.
- Қыркүйектің 30-нда «Абай – дана, Абай дара қазақта» атты Ұлы ақынның 170 жылдығына орай өткізілген қалалық байқауға біздің кафедрамыздың доценті, ф.ғ.к. Абдикарим Н.А. және оқытушы Қапашева Ж.К. дайындаған студенттер мәнерлеп оқу бойынша ТМО-15к-1 тобының студенті Түлкібаев Бейбіт І орынды, ТОМД-15к-1 тобының студенттері Балабек Асылзат және Елтай Біржан ІІ орынды және де осы топтың студенті Әбділлә Жүсіп ІІІ орынды жеңіп алды; Абай әндерін орындаудан ТМО-14кс тобының студенті Мұратхан Амангелді ІІ орынға ие болса, Абай әндерін нақышына келтіріп орындаудан С-15к-1 тобының студенттері Балықбеков А., Ердалиев Берік, Садық Абайхандар жүлделі орындарға ие болды; ал қара сөздерін оқудан ТМО-15к-1 тобының студенті Дәулетәлі Нұрбол, ТОМД-15к-2 тобының студенті Рүстем Әлия, Қазыбай Нұржандар алғыс хаттармен марапатталды.
- «Алаштың ардақты арыстары» атты қалалық ғылыми-практикалық конференцияға доц., ф.ғ.к. Абдикарим Н.А. «Міржақып Дулатовтың шығармалары – қазақ өмірінің айнасы» деген тақырыпта, ал МТНМ-15кс тобының студенті Оспанова Айғаным М.Дулатовтың тағдыры жайында баяндама жасап, Увиньва Жайнагүл, Әбділлә Жүсіп, Рүстем Әлия, Қазыбай Нұржан, Дәулетәлі Нұрбол т.б студенттер ақынның өлеңдерін оқып, диплом, бағалы сыйлықтармен марапатталды.
- Әл Фараби атындағы Қазақ ұлттық университетінде дәстүрлі түрде өтетін «Мен жастарға сенемін!» атты жырмүшайрасына ТМО-15к-2 тобының студенттері Дәулетәлі Н., Рахматолла С. өлеңдерін біздің оқытушылардың редакциялауынан кейін жолдады.
- Оқытушы Ж.К.Капашеваның жетекшілігімен М-14к тобының студенттері Қаражанов М.,Әубәкірова М. өздерінің өлеңдерін аймақтық студенттердің жыр мүшәйрасына жіберді.
- Қарағанды мемлекеттік индустриялық университетінің ғалымдарын бірінші курс студенттерімен таныстыруды Қазақстан тарихы және жалпы білім беретін пәндер кафедрасы дәстүрге айналдырып отыр. Осындай іс-шара 20.11.15 ж. университетіміздің ардагер ұстазы, 2009 жылғы ЖОО-ның үздік оқытушысы, химия ғылымдарының кандидаты, доцент Исанова Бирень Хусаиновнаның қатысуымен өткізілді.
- Кафедра оқытушылары доц. Абдикарим Н.А. (26.11.15), оқытушы Асанова К.А. (25.11.15) жоғары деңгейде ашық сабақтар өткізді.
Просмотров: 698
