Кафедра оқу және ғылыми қызмет арасындағы қажетті теңгерімді қамтамасыз етеді. Кафедрадағы ғылыми-зерттеу жұмыстары кафедраның және университеттің дамуының ағымдағы және перспективалық жоспарлары негізінде құрылады.

Кафедра қызметкерлері мен білім алушыларының қатысуымен өткізілген ғылыми семинар

Материалды және энергияны минималды шығындармен жоғары сапалы

сымшыбық алу үшін инновациялық ыстық илемдеу технологиясын

тәжірибелік зерттеу

Кафедраның ғылыми-зерттеу қызметі саласындағы негізгі функциялары мен міндеттері:

– іргелі, іздестіру, қолданбалы зерттеулер, тәжірибелік-конструкторлық және инновациялық қызметті жүргізу;

– ғылыми-педагогикалық қызметкерлер мен студенттердің ғылыми ізденістері мен шығармашылық әрекеттері арқылы жаңа білім алу;

– жоғары білімді дамытудың теориялық және әдістемелік негіздерін зерттеу және әзірлеу;

– ғылыми зерттеу нәтижелерін практикалық қызметке енгізу;

– өзіндік ғылыми мектептерді қалыптастыру және дамыту, ғылыми-педагогикалық қызметкерлер мен студенттерді ғылыми-зерттеу жұмыстарына белсенді тарту;

– заманауи білім беру технологияларын пайдалана отырып, оқу процесін дайындау, ұйымдастыру және өткізудің өзіндік технологиялары мен әдістерін әзірлеу және енгізу;

– коммерциялық енгізуге бағытталған қолданбалы зерттеулер мен тәжірибелік әзірлемелерді ұйымдастыру;

– зерттеушілер мен әзірлеушілердің зияткерлік меншігі мен авторлық құқықтарын қорғау және ғылыми әзірлемелердің қазақстандық және халықаралық нарықтарға шығуына ықпал ету;

– қарыз қаражатын және инновацияны пайдалану арқылы ғылыми-зерттеу және тәжірибелік-конструкторлық жұмыстардың қаржылық базасын кеңейту.

Кафедраның профессорлық-оқытушылық құрамы мемлекеттік бюджеттен қаржыландырылатын ғылыми зерттеулерді жүзеге асыруға қатысты:

– материалды және энергияны минималды шығындармен жоғары сапалы сымшыбық алу үшін инновациялық ыстық илемдеу технологиясын әзірлеу және зерттеу;

– энергия үнемдейтін электромагниттік көтергіш қондырғының автоматты басқару жүйесін және кешенді қорғанысын әзірлеу.

Кафедра сонымен қатар бастамашылық зерттеулер жүргізді:

– инженерлік талдау үшін заманауи компьютерлік жүйелерді пайдалана отырып, технологиялық машиналар мен көліктік жабдықтарды зерттеу және жобалау әдістемесін әзірлеу;

– өндіріс қалдықтарынан жол-құрылыс материалдарын өндірудің технологиялық желісінің параметрлерін анықтау.

Ғылыми зерттеулердің нәтижелері бойынша әртүрлі мерзімдік басылымдарда және халықаралық және республикалық конференциялардың материалдарында ғылыми мақалалар мен баяндамалар тұрақты түрде жарияланып тұрады.

Ғылыми-зерттеу жұмыстарының нәтижелері дипломдық жұмыстарды жазу, элективті курстарды, оқу-әдістемелік құралдар мен нұсқаулықтарды әзірлеу аясында оқу процесіне енгізіледі.