Техникалық мамандықтардың 3 және 4 курс студенттерінің назарына! 14.05.2019 ж. сағат  10.00-да 1-225 ауд. «Sandvik Mining and Construction Kazakhstan LTD» ЖШС өкілдерімен кездесу өтеді.

SANDVIK – бұл металл өңдеуге арналған құрал-саймандар өндірісінде, тау-кен жұмыстары мен құрылысқа арналған жаңа материалдар, жабдықтар мен құрал-саймандар өндірісінің технологияларын әзірлеуде әлемдегі жетекші орынға ие жоғары технологиялық машина жасау компанияларының тобы. Топ құрамына кіретін компанияларда әлемнің 130 елінен 50 мыңға жуық қызметкер жұмыс істейді.

Егер сіз қызықты жұмыс алғыңыз келсе немесе өңдірістік тәжірбиеден өтгіңіз келсе, Сізді күтеміз!

29-30 сәуір аралығында Жеңіс күніне арналған Теміртау қаласының колледж студенттері арасында баскетболдан қала чемпионаты өтті. Іс-шараны “Теміртау қаласының дене шынықтыру және спорт бөлімі”ММ ұйымдастырды.

Жарысқа Теміртау қаласының барлық колледждерінен 6 команда қатысты. Ойыншылар жақсы спорттық дайындықтарын көрсетті. Барлық ойындар өте қызықты болды, жанкүйерлер белсенді, ал күрес табанды.

Осы чемпионаттың нәтижесі бойынша ҚМИУ техникалық-экономикалық колледжінің студенттері 1-ші орынға ие болды. Топ құрамында:

Тлемисов Данияр – МЧМ-16к тобы;

Келлер Иван – ВТИПО-16 тобы;

Голиков Виталий – СЗС-16 тобы;

Грищенко Данил – Т-18 тобы;

 Бурляев Виталий – Т-18 тобы;

Волошидский Иван – Т-18 тобы.

Біздің студенттерді жеңістерімен құттықтаймыз, оларға алдағы уақытта табыс тілейміз!

ҚМИУ баспасөз қызметі

23 сәуірде Қарағанды облысының тілдерді дамыту жөніндегі басқармасы Қарағанды қаласының «Достық» үйінде «Қашықтықтан оқытудың мемлекеттік тілді үйрету жүйесіндегі тиімділігі» семинарын ұйымдастырды.

Семинардың мақсаты отандық және шетелдік білім беру технологияларымен танысу және мультимедиалық және дистанциялық технологияларды тиімді пайдалану әдісімен тілдерді оқыту.

Семинарға​ тіл орталықтары мен курстарының ересектерге қазақ тілін оқыту жұмысын жүргізіп жүрген әдіскерлері мен оқытушылары, жоғары оқу орындарының орыс тілді топтарға қазақ тілінен сабақ беруші оқытушылары, “Өрлеу” біліктілікті арттыру орталығының, Білім беруді дамытудың оқу-әдістемелік орталығының мамандары қатысты. Бұл семинарға ҚМИУ-дан гуманитарлық ғылымдар магистрі, “ҚОжШТ” кафедрасының аға оқытушысы Капашева Жания Құдайбергенқызы қатысты.

Шара тақырыбы өте өзекті. Себебі, әр оқытушы бүгінгі цифрлық заманда интернет пен түрлі заманауи бағдарламалардың әлеуетін толыққанды пайдалана білуі керек. Бүгінгі шарада да орталық директоры Игенова Алмагүл Ақмашқызы, былтыр “Республикадағы ең үздік оқытушы” атағына ие болған әдіскер Қуанбаева Динара Әбілсейітқызы және оқытушы Омашева Лаура Қырғызбайқызы келесі тақырыптар бойынша практикалық сабақтар жүргізді:

• Мемлекеттік тілді қашықтықтан оқытудың тиімді жолдары;
• STEAM жүйесі бойынша мультимедиялық технологияларды қолдану: мүмкіндігі мен артықшылықтары;
• Socrative, Playposit, Thinglink бағдарламалары;
• Онлайн режимдегі “Менің қалам” панорамалық сабағы;
• Онлайн оқыту барысында IDroo, RealTimeBoard виртуалды тақталарын пайдаланудың тиімділігі;
• Quizlet бағдарламасы –лексикалық минимумды игертудің заманауи тәсілі.

Семинар барысында қатысушылар оқытудың жаңа технологиялары бойынша практикалық дағдыларды көрсетті.

Шара соңында барлық қатысушыларға басқарманың арнайы сертификаттары табысталды.

ҚМИУ баспасөз қызметі

Қарағанды мемлекеттік индустриялық университетінің профессор – оқытушылар құрамы, қызметкерлері мен белсенді студенттері 1 мамыр – Қазақстан халқының бірлігі Күніне орай шеруге қатысты.

Университет профессорлары, декандары, кафедра меңгерушілері, оқытушылар, оқу озаттары мен белсенділер жарқын безендірілген колоннада өтті.

Қазақстан халқының бірлігі күні біздің көпұлтты және көпэтникалық республикамыздың барлық азаматтары үшін ерекше маңызға ие.

1 мамыр қазақстандықтардың Ұлт пен діни наным-сенімге қарамастан, ынтымаққа, біздің ел тұрғындарының көп жылдық достығына деген ұмтылысын көрсетеді.

Сөзсіз, Қазақстан халқының бірлігі, Қазақстан Республикасының экономикалық, саяси және халықаралық табыстарының негізі болып табылады!!!!

ҚМИУ баспасөз қызметі