Тәуелсіз аккредиттеу және рейтинг агенттігі (НААР) Қазақстанның ең үздік жоғары оқу орындарын анықтады. Ұлттық сұранысқа ие ЖОО – 2019 рейтингіне еліміздің 87 жоғары оқу орны қатысты.

Қарағанды мемлекеттік индустриялық университеті Қазақстанның үздік 20 ЖОО-на және Қазақстанның техникалық университеттері арасындағы жоғары оқу орындарының үздік 10 институционалдық рейтингісіне кіре отырып, Ұлттық рейтингте жетекші көшбасшылардың бірі болды.

2014 жылдан бастап арта өткізетін Рейтинг маңызды критерийлер шеңберінде бағаланған Қазақстан Республикасының үздік университеттерінің тізбесін білдіреді: талантты студенттерді, оқытушылар мен зерттеушілерді шоғырландыру; студенттер мен профессорлық-оқытушылық құрамның академиялық ұтқырлығы; түлектерді даярлау және жұмысқа орналастыру сапасы; ЖОО мен жұмыс берушілердің өзара іс-қимылының жоғары деңгейі; оқытушылар, докторанттар мен магистранттардың ғылыми жарияланымдарының бәсекеге қабілеттілігі. НААР/IAAR білім беру бағдарламаларын ранжирлеу IREG Observatory деп танылды және жоғары оқу орындарының рейтингтерін анықтаудың белгілі технологиялары қатарында. Вебометриканың жекелеген аспектілерін қамтитын НААР / IAAR сараптамалық пікірлерді жоққа шығарады және қоғам мен білім беру ұйымдарының сенімін тудырады. ҚР жоғары оқу орындарының “ТОП-20” бас рейтингі білім беру бағдарламаларының барлық бағыттары мен деңгейлері (бакалавриат, магистратура және докторантура) бойынша жиналған жиынтық балл бойынша анықталады.

Бакалавриат мамандарының білім беру бағдарламалары бойынша ЖОО рейтингісінің нәтижелері бойынша:

“5В071200-Машина жасау” – 2 орын;

“5В073500 – Материалдарды қысыммен өңдеу технологиясы” – 1 орын.

магистратура мамандарының білім беру бағдарламалары бойынша:

“6М071200-Машина жасау” – 1 орын.

Аккредиттеу және рейтингтің тәуелсіз агенттігінің ұлттық рейтингі қазақстандық жоғары оқу орындарына өз позицияларын анықтауға, білім беру қызметтерінің бәсекеге қабілеттілік деңгейін бағалауға, жоғары оқу орнының сапалы жұмысына ықпал етуге, ең бастысы – білім алушылардың көп санын тартуға және жұмыс берушілер үшін тартымдылық шеңберін кеңейтуге мүмкіндік береді.

ҚМИУ баспасөз қызметі

Қарағанды мемлекеттік индустриялық университеті мамырдың 16-сы күні «Қазақ әліпбиін латын графикасына көшіру: орфография мәселелері» атты әдістемелік семинар өткізді.
Семинарға Нұр-Сұлтан қаласынан ҚР Үкіметі жанындағы Қазақ тілі әліпбиін латын графикасына көшіру жөніндегі ұлттық комиссияның орфография бөлімінің жұмыс тобының мүшесі, Л.Н. Гумилев атындағы Еуразия ұлттық университетінің  профессоры, филология ғылымының докторы Жақыпов Жантас Алтайұлы және А. Байтұрсынұлы Академиясының ғылыми кеңесшісі, Л.Н. Гумилев атындағы Еуразия ұлттық университетінің докторанты Амандықов Олжас Мейрамұлы арнайы қатысты.
Семинардың тыңдаушылары университетіміздің профессорлық-оқытушылар құрамы және Теміртау қаласының  колледждері, мектептерінің қазақ тілі мен әдебиеті пәндерінің мұғалімдері болды.
Семинарда дәріс оқыған проф.  Ж.А. Жақыпов латын қарпіне көшірудің жалпы мәселелерін баяндай келе, кейбір даулы сұрақтарды ғылыми-теориялық тұрғыдан түсіндіре отырып, алдағы міндеттер және оны жүзеге асырудың тетіктеріне кеңінен тоқталды. Сонымен қатар мектеп оқулықтарындағы синтаксиске байланысты кейбір олқылықтарды атай отырып, оны оқыту барысында ескерілуге  тиісті мәселелерді атап көрсетті.
Қазақ әліпбиін латын графикасына көшіру бойынша нақты сұрақтар жайында сөз алған докторант О.М. Амандықов латын қарпінде жазылған мәтінді жедел оқып әрі жазып үйренудің, жаттығудың тәсілдеріне тоқтала келіп, шетел тілінен енген сөздердің жазылу емлесін түсіндірді. Соңынан семинарға қатысушылар латын қарпімен жазылған мәтіндердің оқылымы мен жазылымы бойынша практикалық жұмыстар орындады.  Қойылған сұрақтарға жауаптар берілді.
Семинар барысында университетіміздің «Қазақ, орыс және шетел тілдері» кафедрасының меңгерушісі, филол.ғ.к., доцент Нұрзия Әбдікәрімқызының жоғары оқу орындарының техникалық бағыттағы мамандықтарына арналған «Қазақ тілі» оқу құралының тұсаукесер рәсімі өткізілді. Өз кезегінде Н. Әбдікәрімқызы осы оқулықтың 8 жылдық еңбек тәжірибесінің жемісі болып т абылатындығын және бұл өңделіп, толықтырылған 2-ші басылым екенін айтты. Және де өзінің ғылымдағы ұстазы Жақыпов Жантас Алтайұлына  осы рәсімге куә болып отырғаны үшін алғысын жеткізді.
Семинар соңында ҚМИУ ректоры Жаутиков Бахыт Ахатовичтың атынан семинарға арнайы келген қонақтарға Алғыс хаттар тапсырылып, семианр тыңдаушыларына сертификаттар табысталды.

ҚМИУ баспасөз қызметі

ҚМИУ түлектерінің назарына!

Теміртау қаласы әкімдігінің «Теміртау қаласының халықты жұмыспен қамту орталығы» КММ Сіздерді 15 мамыр күні сағат 11.00-де Республика даңғылы, 38, Қалалық мәдениет сарайында өтетін бос жұмыс орындары Жәрмеңкесіне қатысуға шақырады.

Анықтама телефондары: 91-64-20, 41-55-00.

Ұлы Отан соғысындағы Жеңіс күнімен шын жүректен құттықтаймын!  Бұл – Отан қорғаудағы өшпес ерлік пен өлшеусіз даңқтың, халқымыздың шексіз қаһармандығы мен мұқалмас қажыр-қайратының ең айтулы мерекесі.  Аға ұрпақ пен жас буынның Отанымызды қорғап, қызметте айтулы үлес қосқанын біз әрқашанда мақтан тұтамыз. 
         Еліміздің өркендеуі жолында атқарып жатқан игі қызметтеріңізге табыс, отбасыларыңызға амандық, дендеріңізге саулық, мол бақыт және бейбіт ғұмыр тілейміз.  Біздің тәуелсіздігіміз бен тұтастығымызды, тыныштығымыз бен бейбіт тірлігімізді қас қақпай күзетіп тұрған, халқымызға қорған болған ұлттық әскеріміздің айбыны арта берсін! 

Б. Жаутиков

Қарағанды мемлекеттік индустриялық

    университетінің ректоры