2019 жылдың 29 қарашасында Қарағанды мемлекеттік индустриялық университетінде «Білім беруді трансформациялау: мазмұны, технологиялары, сапасы» атты республикалық ғылыми-әдістемелік конференция өтеді.

Конференцияның мақсаты – білім беруді трансформациялаудың бағыттары мен болашағын айқындау, білім сапасын дамытудың заманауи технологиялары мен оқытудың озық тәжірибелерін анықтау, өзара тәжірибе алмасу және Қазақстан мен көрші елдердің университеттері арасында ғылыми және серіктестік байланысты орнату.

Дәстүр бойынша конференция білім беру кеңістігін әлеуметтік-мәдени қатынастарды трансформациялау кеңістігіне айналдыру үшін университет қауымдастығының, жұмыс берушілер мен іскери серіктестердің өзара әрекеттесуі үшін танымал диалог алаңы ретінде қызмет етеді.

Конференцияға қатысу үшін Украина, Қырғызстан университеттерінен және Қазақстан Республикасының жоғары оқу орындарынан 100 астам баяндамалар ұсынылды.

Конференцияның құрметті қонақтары:

• А.Н. Нукенов – Қарағанды облысы әкімінің орынбасары;
• Е. Т.Иргебаев – Қазақстан Республикасы Білім және ғылым министрлігі Жоғары және жоғары оқу орнынан кейінгі білім департаменті директорының орынбасары;
• К.А. Токушев – «Саналы ұрпак» республикалық жобалық кеңсесінің басшысы;
• К.Б. – Оспанова «Нұр Отан» партиясы Қарағанды облыстық филиалы төрағасының бірінші орынбасары;
• Ш.Ж. Сеилов – Қазақ ақпараттық коммуникациялар академиясының президенті;
• Н.Н. Комарницкий – «АрселорМиттал Теміртау» АҚ қаржы директорының орынбасары;
• С.Н. Роговой – «АрселорМиттал Теміртау» АҚ ақпараттық-есептеу орталығының бастығы, ақпараттық қауіпсіздік бойынша бас маман;
• Н.В. Нашар – «АрселорМиттал Теміртау» АҚ персоналды дамыту және оқыту бөлімінің бастығы;
• И.В. Лукашук – «ТеміртауЭлектроМонтаж» ЖШС пероснал жөніндегі менеджері.

Пленарлық отырыста К.А. Токашев, Т.С.Байгабатов мырзалардың  және Н.В. Плохих, И.В Лукашук ханымдардың баяндамалары тыңдалады.

Талқылауға ұсынылатын конференцияның негізгі тақырыбы цифрлық ғасырдағы оқытудың инновациялық шешімдерін анықтау.

Пленарлық отырыстан кейін конференция келесі фокус-топтарда жұмыс жасаумен жалғасады:

– оқу процестеріне озық тәжірибелерді енгізу.

– білім мен ғылымды сандық түрлендіру.

-университеттердің үшінші миссиясы мен тұтастық идеологиясының алдын-алу тәсілдері.

– іскерлік ағылшын тілі және мәдениетаралық коммуникация.

Конференцияның салтанатты ашылуы 29 қарашада сағат 10.00 ҚМИУ жаңа ғимаратының мәжіліс залында өтеді (Темірта қ., Республика даңғылы, 30).

Жауапты тұлғалар: АСД директоры – Елена Михайловна Харченко (+77479432837), АСД әдіскері – Айгерим Акметжановна Нургалиева (+77471617751)

ҚМИУ баспасөз қызметі.

2019 жылдың 22-24 қараша аралығында Қарағанды мемлекеттік индустриялық университетінің студенттері Қазақстан Республикасы Ішкі Істер министрінің кубогы үшін «Жастар және қоғамдық қауіпсіздік» ашық республикалық пікірсайыс турниріне белсенді қатысты.

Қызу пікірталастар, ыстық эмоциялар, ашу-ыза, күлкі, толқу,  жеңіске деген шынайы қуаныш және жеңіліс – осының бәрін іс-шара қатысушылары бастарынан өткерді.

Студенттік  лиганың лайықты қарсыластары зияткерлік күресте  шешендік шеберліктерін көрсетті және өздерінің позициясын абыроймен қорғады.

Пікірталас   турнирінің нәтижесінде біздің «Линкольн» командамызға құрметті екінші орын командасына бұйырды, ал М-16қ тобының студенті Рахымжан Өміржан сайыстың үздік спикері атанды.

Сондай-ақ, әрбір қатысушыға «Жастар және қоғамдық қауіпсіздік» Қазақстан Республикасы Ішкі Істер министрінің Кубогы үшін Республикалық пікірсайыс турниріне қатысқаны туралы сертификат табысталды.

Бұл  біздің сайыскерлердің қоржынындағы жетінші жеңіс!

Сайыскерлерге сәттілік пен жеңістер тілейміз!

ҚМИУ баспасөз қызметі.

22 қараша 2019 жылы Қарағанды облысының Әкімінің Кубогы үшін күресте «Джанлуиджи Магнитоffon» Қарағанды мемлекеттік индустриялық университетінің КВН командасы бірінші орын алды. Кубок үшін күреске Теміртаулық КВН ойыншыларынан басқа, «Сібір» ресми КВН лигасының чемпиондары, Нұр-Сұлтанның «Целиноград» командасы, облыстық «Ертіс «КВН командасы, ЕҰУ «Нұр Сұлтан» командасы, Қарағанды  қ. «Бруклин 9-9» командасы «Магнитка» ашық лигасы фестивалінің жеңімпаздары  «Менің атамның аяқ киімдері» Ерейментау қ. командалары қатысты.

Біздің жеңімпаздарымызды алда Омбы қаласы өтетін КВН Жоғарғы Омбы Лигасының ¼ финалы күтіп тұр.

Біздің командаданың мүшелері:

1) Хегай Сергей

2) Накупова Дарина

3) Сейдуллаев Дархан

4) Тұрсынов Әділет

Сонымен қатар, «Джанлуиджи Магнитоffon» КВН командасының үлкен жоспарлары бар: Сочидегі Халықаралық КВН фестиваліне, содан кейін Ресейдегі орталық лигаларының біріне қатысу.

Барлық қатысушыларға сәттілік пен жарқын жеңістер тілейміз!

ҚМИУ баспасөз қызметі