ҚР БҒМ Министрінің 2008 жылғы 19 қарашадағы № 613 бұйрығына сәйкес шетелде оқуға арналған конкурсқа қатысу үшін үміткерлер келесі құжаттарды ұсынады:

1. Қазақстан Республикасы азаматының паспорты (нотариалдық расталған түрлі-түсті көшірме);
2. Қазақстан Республикасы Денсаулық сақтау министрінің міндетін атқарушысының 2010 жылғы 23 қарашадағы № 907 бұйрығымен (Нормативтік құқықтық актілерді мемлекеттік тіркеу тізілімінде № 6697 тіркелген) бекітілген № 082/у нысанындағы медициналық анықтама;
3. Білім туралы құжаттар (нотариалды расталған түрлі-түсті көшірмелері): ағымдағы оқу үлгерімі туралы транскрипт;
4. Ағылшын тілін меңгеру денгейін растайтын құжат:

• ағылшын тілін меңгеру денгейін растайтын халықаралық тұрғыда танылған сертификат(IELTS, TOEFL);
• шетелдік университеттің ағылшын тілі деңгейі бар студентті қабылдауын растайтын келісім хат;
• Қазақстандық университеттің тестілеу нәтижесі (В2 деңгейінен кем емес);

5. Он сегіз жасқа толмаған өтініш берушінің ата-анасының (қамқоршыларының, заңды өкілдерінің) шетелге шығуға жазбаша келісімі;
6. Студенттің көп балалы отбасы екендігін растайтын құжат;
7. студенттің ата-анасының жоқтығын растайтын құжат (жетім балаларға немесе ата-анасының қамқорлығынсыз қалған студенттерге арналған санаттағы студенттер үшін);
8. Мүгедектік туралы анықтама, болған жағдайда.

Ағылшын тілінен тестілеу 14 ақпан күні өтеді

Тестілеуге 13 ақпанға дейін N-210 ауд. жазыла аласыз.

Іріктеуден өткен тұлғалар жіберілетін ЖОО нақтыланатын болады

Құжаттар 17 ақпанға дейін Халықаралық ынтымақтастық департаменті қабылданады

Барлық сұрақтар бойынша Н-210 ауд. хабарласуға болады

2020 жылдың 31 қаңтарында Қарағанды мемлекеттік индустриялық университетінің студенттері» «ZhasProject» жастар корпусын дамыту жобасына арналған ақпараттық кездесуге қатысты.

Іс-шара барысында кездесуге қатысушылар «ZhasProject»  жобасын іске асыру және оның негізгі бағыттары туралы егжей-тегжейлі ақпарат алды, оның мақсаты – жастарды қоғам өміріне тарту, сонымен қатар біздің қоғамның игілігі үшін әлеуметтік-пайдалы іс-әрекет дағдыларын оқыту бағдарламасы арқылы өмірлік дағдыларды дамыту.

Жоба 2017 жылы басталып, Қазақстанның он алты аймағынан 8500 жуық қатысушыны қамтиды. 2020 жылдан бастап ол Алматы және Қарағанды облыстарында жүзеге асырылады.

«ZhasProject» төрт құрамнан тұрады:

– әлеуметтік жобаларды жүзеге асыру үшін жастар топтарына 1 000 000 теңгеге дейінгі гранттар мен әлеуметтік стипендияларды ұсыну;

– жастарды өмірлік дағдылар мен жобаларды басқаруға үйрету;

– осал жастар топтарымен жұмыс;

– ақпараттандырудың тиімді науқанын және кері байланыс пен мәселерді шешу тетігін енгізу.

Жобаға қатысушылар өмірлік дағдылар мен жобаларды басқару бағдарламасында үш кезеңдік оқудан өтіп, бес ай ішінде әлеуметтік жобаларын жүзеге асырады, сонымен қатар ЖОО бітірушілері  – ай сайын 60000 теңге көлемінде стипендияны, 40,000 теңге стипендияны – қалған барлық қатысушылар алады. Сонымен қатар, барлық қатысушылар өздерінің жобаларын іске асыру барысында менторлардың қолдауына ие болады.

Сондай-ақ, жоба аясында менторларды іріктеу және жастар үшін гранттық конкурсы өткізіледі.

«ZhasProject» жобасын іске асыруғаын 14 пен 29 жас аралығындағы кез-келген (мектеп оқушыларынан басқа)  жас адам қатыса алады.

Жобаға қатысу үшін:

1. Құрамында 3 тен 5 адамға дейінгі топты (бастамашыл топ) жинау керек. Қатысушылардың саны көп болу ұсынылады, команда құрамы 3 адамнан кем болса жобаға қатыса алмайды. Егер қатысушылардың бірі жобадан дәлелді себептермен кетсе, жоба жабылады. Командаға басқа қатысушыларды алуға рұқсат етілмейді.
2. Жүзеге асырылатын әлеуметтік жоба идеясын ойлап табу – көптен бері шешімі табылмай келген мәселенің шешімін табу. Сіз өзіңіздің әлеуметтік жобаңыз үшін идеяны таңдаумен шектелмейсіз, бірақ кейбіреулерін жүзеге асыруда бірқатар қиындықтарға тап болуыңыз мүмкін.
3. Топтың әр мүшесі тіркеліп, барлық қажетті жолдарды толтыруы керек. Өтініш үлгісін алдын-ала оқып шығыңыз – толтыру кезінде сізге бірқатар құжаттарды тіркеу керек, оларды алдын-ала дайындау қажет. Қайсыңыздың бастамашыл топтың көшбасшысы болатындығын анықтаңыз. Назар аударыңыз: топ жетекшісі 18 жасқа толмаған қатысушы бола алмайды.
4. Өтінімді беру әдісін таңдаңыз – сіз жобаны өз бастамашыл тобыңыз арқылы немесе қабылдаушы ұйым арқылы жүзеге асыра аласыз, ол өтінішті жазуға, қаржылық операцияларды жүргізуге және Жобаны іске асыру кезінде есептерді ұсынуға көмектеседі.
5. Конкурстық өтінімдерді таңдау кезеңдерін қадағалаңыз.
6. Сіздің командаңыз конкурстық іріктеуден өткен жағдайда, жобаны сапалы орындау керек.

Іс-шара Теміртау қаласының Ішкі саясат бөлімі, Жастар саясаты департаменті, сондай-ақ «ZhasProject» үйлестіру агенттігі өкілдерінің қатысуымен ұйымдастырылды.

Әлеуметтік жобалардың гранттық байқауына өтінімдерді қабылдау zhasproject.kz  сайтында 2020 жылдың 1 ақпанынан бастап, 1 наурызға дейін жалғасады – 1 айға дейін өз идеяңызды ұсынуға уақыт бар!!!

ҚМИУ баспасөз қызметі

2020 жылдың 29 қаңтарында Қарағанды мемлекеттік индустриялық университетінде «Introduction to QS Rankings»  веб-семинарын Сапа менеджмент жүйесі бөлімінің жетекшісі Ольга Климентьевна Пак ұйымдастырды.

Белгілі болғандай, ең үздік жоғары оқу орындарының рейтингісі, ғылым, білім және бәсекеқабілеттілік саласында жоғары оқу орының негізгі көрсеткіштері және жетістіктеріне тікелей байланысты, ол әлемдік маңызды университеттердің ең ықпалды жаһандық рейтингтерінің бірі болып табылатын «Quacquarelli Symonds» (QS)  ағылшын консалтингті компанисының әдіснамасы бойынша анықталады.

2004 жылы «Quacquarelli Symonds» ағылшын «Times Higher Education (ТНЕ)» баспасымен бірге  «QS World University Rankings» әзірледі.

Бұл  рейтинг университеттерді келесі негізгі бағыттар бойынша бағалайды: зерттеу қызметі мен белсенділігі, жұмыс берушілердің пікірлері мен мансаптық әлеуеті, оқыту және интернационализация. бұл көрсеткіштер әлемдік маңызы бар университеттердің негізгі стратегиялық міндеттерін қамтиды, олар процеске қатысушылар: академиялық қоғамдастық, жұмыс берушілер, студенттер және олардың ата-аналары алдында жауап береді. Жыл сайын зерттеу бүкіл әлем бойынша 2,5 мыңнан астам жоғары оқу орындарын бағалайды. Оның нәтижелері бойынша әлемнің 500 үздік университеттерінің рейтингі, сонымен қатар жеке пәндер бойынша университеттердің рейтингтері жасалады.

Университеттің жетістігінің деңгейі білім беру ұйымдарының статистикалық талдауы, тексерілген мәліметтер (оның ішінде «Scopus» деректер қорынан алынған дәйексөз индексі туралы ақпарат, әлемдегі ең ірі ғылыми басылымдардың библиометриялық дерекқоры), сондай-ақ халықаралық академиялық қоғамдастық пен жұмыс берушілердің ғаламдық сараптамалық мәліметтері негізінде бағаланады. Төменде университеттер бағаланатын сандық және сапалық көрсеткіштер берілген.

Веб семинар барысында Шығыс еуропа және Орталық Азия бойынша «QS World University Rankings» өңірлік  директоры Зоя Зайцева іс-шараға қатысушыларға QS-рейтингсі бойынша жоғары оқу орындарын таңдау әдістемесі және ондағы қазақстандық университеттердің ұстанымдары туралы айтып берді.

Зоя Зайцева университеттің беделін қалай арттыруға, сонымен қатар QS- рейтингісінде өз орнын жоғалтпау үшін тыйым салатын нәрселерге назар аударды.

2019 жылдың соңында біздің университет QS- рейтингіне қатысуға өтініш берді.

Ольга Климентьевна атап өткендей: «Қарағанды мемлекеттік индустриялды университетінде ғылыми көрсеткіштерін жақсарту, интернационализация және халықаралық академиялық қауымдастық арасында тану бойынша көптеген жұмыс атқарылып жатыр. Бірақ бұл процесс алға жылжуда ».

ҚМИУ баспасөз қызметі

Қарағанды мемлекеттік индустриялық университеті Алматы-Екатеринбург тас жолынан эвакуацияланған адамдарды жатақханаларға орналастыруға белсенді қатысты.

2020 жылдың 27-28 қаңтарына қараған түні, нөлдік көріну және желдің екпіні кезінде, автомобиль жолының 1047-1073 шақырымында, Теміртау қаласының маңында, Төтенше жағдайлар бөлімінің күштері мен Ұлттық «Орталық» гвардиясы және 52859 әскери бөлімі 187 адамды қар көшкінінде қалудан құтқарды, оның ішінде 40 бала болды.  Барлығы 20 астам жүк көлігі, 40 автомобиль және 1 автобус болды.

Адамдар  Теміртау қаласындағы Қарағанды мемлекеттік индустриялық университетінің жатақханасына орналастырылды, онда жылынып, ыстық шай ішіп, түнді өткізу және қатты боранның аяқталуын күтуге мүмкіндік жасалды. Ешкімге медициналық көмек қажет емес болды.

Айта кету керек, бұған дейін де біздің университет табиғи апат салдарынан қиын жағдайға тап болған адамдарға бірінші рет көмек көрсеткен еді.

Бұған  дейін университет еріктілері «Біз біргеміз» республикалық акцияға қатысып, аялдамалар, оқу ғимараттары мен жатақханалардың қарлы бөліктерін қардан тазартқан болатын. Сонымен  қатар, волонтерлар Кәмелетке толмағандарды бейімдеу орталығының тәрбиеленушілеріне Мейірімділік  үйінің тұрғындарына көмек көрсету бойынша бірнеше іс-шараларды жүзеге асырды. ҚМИУ еріктілері сөзбен емес, істерімен бәріне үлгі көрсетіп келеді. ҚМИУ Еріктілер жылы жақсы істермен ашылды деп сеніммен айтуға болады!

ҚМИУ баспасөз қызметі

23 қаңтарда Қарағанды облысын күшті қарлы боран басып алды. Барлық жол қызметтері, апатты-құтқару бөлімшелері және ІІД жол қозғалысын басқару бөлімшелері күні бойы жұмыс істеді. Көптеген автомобильдер мен автобустар қар құрсауынан құтқарылды. 23 қаңтарда түстен Бішкек-Тюмень бағыты бойынша кейін  50 жолаушысы бар автобус Теміртау маңында қар көшкінінде тұрып қалды.

Автобус жолаушылары Қарағанды мемлекеттік индустриялық университетінің жатақханасына орналастырылды. Барлығы ұйықтайтын орын, төсек-жабдығымен қамтамасыз етілді, бір жарым күн бойы Қырғызстан тұрғындары жатақханада болды. Қала әкімдігі оларды азық-түлік, ауыз сумен қамтамасыз етті.

Кенеттен болатын апат және күтпеген жағдайлар кезінде бастысы  – көмек көрсету. ҚМИУ қарлы боран кезінде мұқтаж адамдарға бірнеше рет көмек көрсетті.

ҚМИУ баспасөз қызметі