2021 жылғы 1 сәуірде Қарағанды индустриялық университеті мен «Tau-Ken Temir» ЖШС арасында меморандумға қол қойылды. Қол қою рәсіміне ректордың м.а. Болатбек Серікбайұлы Абдрасилов және «Tau-Ken Temir» ЖШС Бас директоры Рустам Александрович Ақбердин қатысты.

Меморандум екі ұйымның серіктестік байланыстарын кеңейтеді және Tau-Ken Temir мамандарының өндірістік тәжірибесін және КарИУ ғылыми әлеуетін тиімді пайдалануға мүмкіндік береді.

Меморандум шеңберінде «Tau-Ken Temir» тапсырысы бойынша, оның ішінде университеттің бірегей кен-термикалық пештерінде ғылыми зерттеулер жүргізілетін болады, олар жаңа физика-химиялық қасиеттері бар материалдарды алу мақсатында ірі жобалар мен бағдарламалар шеңберінде ауқымды зерттеулер үшін негіз бола алады. Сондай-ақ, түрлі гранттық конкурстарға және ПЦФ-ға қатысу үшін өтінімдерді бірлесіп беру, ғылыми-техникалық қызмет нәтижелерін коммерцияландыру бойынша келісімге келді. Ғылым мен өндірісті интеграциялау бойынша міндеттерді іске асыру үшін тұғырнама болатын бірлескен инновациялық инфрақұрылым құру мәселелері талқыланды.

Сонымен қатар, меморандум бойынша бірлескен ғылыми-практикалық конференциялар, семинарлар, жарияланымдармен және басқа да ғылыми материалдармен алмасулар өткізу жоспарланған. Студенттердің өндірістік практикасы «Tau-Ken Temir» ЖШС өндірістік алаңдарында және біздің университет базасында ұйымдастырылады, «Tau-Ken Temir» ЖШС базасында да оқытушылар, қызметкерлер, магистранттар, PhD докторанттарының біліктілігін арттыру және ғылыми тағылымдамадан өткізу бойынша бірлескен жобалар іске асырылады.

Кәсіпорын өкілдері біздің университетімізде жұмыс істейтін «Металлургия» ғылыми-өндірістік орталығында болып, іске қосылған кен-термикалық пешімен танысты, орталықтың жұмысын зерттеді. Қазіргі уақытта университет ғалымдары металлургиялық қайта бөлу процестерін цифрландыру және «Цифрлық металлургия» ғылыми-білім беру порталын құру бойынша жұмыстар жүргізуде.

Анықтама. «Tau-Ken Temir» ЖШС 2013 жылғы 28 қарашада құрылды, Қарағанды облысындағы Ақтас және Ақшоқы-3 талшықты кварц кен орындары базасында металлургиялық кремний өндіру жобасын іске асырумен айналысады. Жобалық қуаттылығы-23,9 мың тонна. Өнімдер Еуропа елдеріне, Ресейге, Канадаға, АҚШ-қа сатылады.

Қазақстан Республикасында діни экстремизмге қарсы іс-қимыл жөніндегі 2018-2022 жылдарға арналған мемлекеттік бағдарламаны іске асыру шеңберінде. «Теміртау қаласының конфессияаралық қатынастар мәселелерін зерттеу және талдау орталығы» КММ жетекшісі Нұрлыбек Елеусізұлы Өтебаев ҚарИУ жанындағы Техникалық-экономикалық колледж студенттерінің «Қазақстан азаматтары» қоғамдық бірлестігінің жетекшісі Дмитрий Сергеевич Полтаренкомен кездесуін ұйымдастырды..

Бұл кездесудің басты мақсаты – белгілі бір дін туралы, мемлекеттің дінге қатынасы туралы дұрыс емес ақпарат пен бұрмаланған ойлардың алдын алу болды. Д.С. Полтаренко «Қазақстан Республикасындағы зайырлылық қағидаттарының негіздері әр азаматтың конституциялық бостандығының кепілі ретінде» тақырыбына арналған сөз сөйледі. Ол біздің елімізде әртүрлі конфессия өкілдері арасында өзара түсіністік пен өзара сыйластық атмосферасын құру үшін ғана емес, сонымен бірге мемлекеттің зайырлылық қағидаттарын қолдау үшін барлық мүмкіндіктің жасалып жатқанын айтты. Бұл дін саласындағы мемлекеттік саясаттың басым бағыттарының бірі. Бұған зайырлы негіздер мен мемлекеттік басқару принциптерін сақтау кіреді. Қазақстан Конституциясына сәйкес, мемлекет өзін демократиялық, құқықтық, әлеуметтік, зайырлы мемлекет деп жариялайды. Қазақстандағы зайырлылықтың негізгі қағидасы – дін мемлекеттен бөлініп, мемлекет ішкі істерге және діни қызметтің канондық мәселелеріне, діни ұйымдардың ішкі істеріне араласпайды. Діни ұйымдар мемлекет жүзеге асыратын функциялар мен міндеттермен айналыса алмайды. Сонымен бірге мемлекет өзінің мүмкіндігінше діни ұйымдардың қызметіне құқықтық және әкімшілік қолдау көрсетеді. Және сенушілердің құқықтары мен бостандықтарына ешбір жағдайда нұқсан келтірмейді. Сенушілердің құқықтарын, бостандықтары мен діни сезімдерін құрметтеу. Діни сезімдерді қорлау – бұл жауапкершілікке әкеп соқтыратын Қазақстандағы құқық бұзушылық.

Кездесу диалог түрінде өтті, онда студенттерге талқылауға белсенді қатысуға мүмкіндік берілді. Студенттер  өздерін толғандырған сұрақтарға толық жауап алғандықтан, өте риза болды.

Құрметті ҚарИУ студенттері мен оқытушылары! Сіздерді “Біздің көңілді студенттік өміріміз” байқауының Ең үздік бейнеролигін таңдауға белсенді қатысуға шақырамыз. Байқау 100% әділ болуы үшін барлық тілек білдірушілер өз дауысын сүйікті бейнероликтің астына қалдыра алады, бірақ “Бір адам тек бір рет дауыс береді” деген міндетті шартпен. Жеңімпазды біздің Instagramдағы @kgiu_kz аккаунтымыздағы ролик астындағы көптеген түсініктемелер бойынша анықтаймыз.

«Металдарды қысыммен өңдеу» кафедрасының аға оқытушысы Сәуле Серікбайқызы Айнабекованы 6D071200 «Машинажасау» мамандығы бойынша философия докторы (PhD) дәрежесімен құттықтаймыз.

Сәуле Серікбайқызы 2001 жылы Қарағанды металлургиялық институтының (казіргі Қарағанды индустриялық университеті) «Металдарды қысыммен өңдеу машиналары мен технологиялары» мамандығы бойынша жоғары білім алған.

2002 жылы  «Металдарды қысыммен өңдеу машиналары мен технологиялары» мамандығы бойынша магистрлік диссертациясын қорғады.

2004 жылы Сәуле Серікбайқызы «Металдарды қысыммен өңдеу» мамандығы бойынша аспирантураны бітіріп, 2017 жылы «Машинажасау» мамандығы бойынша оқуын жалғастырды.

Оның ғылыми зерттеулер және ізденістерінің аумағы: «Ұсталы-штамптау цехтарын жобалау», «Ыстықтай және салқындай штамптау технологиялары», «Соғу технологиясы», «Престеу технологиясы», «Ыстықтай штамптау жабдықтары және технологиялары», «Штамптар және құрылғыларды жобалау» және «Сапаны басқарудың статистикалық әдістері».

Сәуле Серікбайқызына шығармашылық табыс,  жаңа ғылыми жетістер мен жаңалықтар тілейміз!

ҚарИУ баспасөз  қызметі

Қарағанды индустриялық университетінің «Жасанды интеллект технологиялары» кафедрасының компьютерлік сыныбында 12 жаңа «IT-Alem» жұмыс үстелінің желілік тренажерлері орнатылды. Тренажерлар «Бағдарламалық жасақтама», «Жасанды интеллект технологиялары» білім беру бағдарламаларының студенттеріне арналған «Желілік технологиялар негіздері», «Желілік әкімшілендіру», «Киберқауіпсіздік негіздері», «Желілік қауіпсіздік» пәндері бойынша зертханалық және практикалық жаттығулар үшін қолданылады.

«IT-Alem» кестелік желілік тренажерлар инфокоммуникациялық ортада практикалық дағдыларды игеру үшін және желілік технологиялар бойынша әртүрлі деңгейдегі құзыреттіліктер алу үшін қолданылады. Тренажер – бұл студенттің жұмыс орнына орналастырылатын жеке портативті зертханалық қондырғы. Оған бағдарламалық жасақтама бар тұтынушыдан және серверлік бөліктерден, сондай-ақ пакеттік коммутация технологиясының көмегімен бір-бірімен өзара әрекеттесетін маршрутизатордан тұратын компьютерлік желінің моделі кіреді.

«IT-Alem» тренажерларына орнатылған бағдарламалық жасақтама бірқатар зертханалық жұмыстарды жүргізуге мүмкіндік береді, соның ішінде «IP желісінде берілген ақпаратты зерттеу», «OSI деңгейлерін оқып-үйрену», «Желіге қолмен компьютерді қосу және статикалық адрестеу» «Желіге компьютерді автоматты түрде қосу және және т.б.».

Оқу үдерісінде осы тренажерларды қолданудың өзектілігі мен қажеттілігі кеңейтілген цифрландыру жағдайында сұранысқа ие желіде қауіпсіз жұмыс істеу дағдыларын дамыту қажеттілігімен расталады.