10 қараша күні Астана қаласында өткен Алаш-Орда білімінің 100-жылдығына арналған “Қоғамдық сананы жаңғырту: Алаш пен тәуелсіздік идеясының сабақтастығы” халықаралық ғылыми-практикалық конференциясына Қарағанды мемлекеттік индустриялық университетінің өкілдері қатысты.

Конференция ЭКСПО-2017 Конгресс-орталығында өтті. Оған қатысқан қатысушылар: Парламент депутаттары, мемлекеттік органдардың басшылары,  қоғам қайраткерлері,  ғалымдар, сондай-ақ Қазақстанның барлық өңірлерінің және басқа мемлекеттердің зиялы қауым өкілдері.

ҚР Мемлекеттік хатшысы Гүлшара Әбдіхалықова жиналғандарға мемлекет басшысы Нұрсұлтан Назарбаевтың сөзін жеткізді. Онда, атап айтқанда, халық бірлігін сақтауға, саяси-әлеуметтік құқықтарын қорғауға бағытталған XX ғасырдың басындағы “Алаш” қозғалысының қызметі, өз халқына шексіз қызмет етудің жарқын үлгісі болып табылатындығы туралы айтылған. “Алаш” қозғалысының идеясы тәуелсіз мемлекет құру жөніндегі біздің ата-бабаларымыздың мақсатымен өзара жанасады және олардың арманы бүгін күні орындалды. Қазақстан әлемге танымал тәуелсіз мемлекет болды. «Мен өзімнің “Болашаққа көзқарас: қоғамдық сананы жаңғырту” атты мақаламда, туған мәдениетті қолдау жөнінде біздің тарихты зерттеу мен зерделеу бойынша нақты міндеттер қойдым”, – деп жазды Нұрсұлтан Әбішұлы. – Біз, қазіргі уақыт талабына сәйкес қоғамдық сананы жаңғырту арқылы біздің мемлекетіміздің тұрақты дамуын қамтамасыз етуді мақсат етіп қоямыз»

ҚМИУ оқытушылары “1917 жылғы Ресей революциясы мен Алаш-Орда” және “Алаш-Орда саяси тұғырнамасының жаңашыл идеялары: дамыту және іске асыру” атты секциялық отырыстарға қатысты. Конференцияға қатысушылар “Рухани жаңғыру” бағдарламасы аясында Қазақстан халқының жоғары адамгершілік армандарын сақтау мен өз тарихына құрметпен қарауды тәрбиелеуді, тәуелсіздікке қол жеткізу жолында “Алаш” қозғалысының тарихи рөлін талқылады.

Конференция қорытындысы бойынша “Алаш” қозғалысының қайраткерлер есімін мәңгі есте қалдыру, олардың мұрасын зерттеуді жүйелеу қажеттілігі, өскелең ұрпақты отаншылдыққа тәрбиелеу туралы қабылданды.

ҚМИУ баспасөз қызметі

[Раздел или его перевод находятся на стадии разработки. Попробуйте варианты на других языках: Русский, English]

[Раздел или его перевод находятся на стадии разработки. Попробуйте варианты на других языках: Русский, English]

Қарағанды мемлекеттік индустриялық университетінде 10 қараша күні мерейтойлық Президенттік олимпиаданың салтанатты жабылу рәсімі өткізілді және жеңімпаздар есімдері аталды. Ең көп марапаттарды Алматы қаласы және үш облыс – Шығыс Қазақстан, Қостанай және Оңтүстік Қазақстан спортшылары иеленді.

Екі күн ішінде Қазақстанның он төрт аймағынан және республикалық маңызы бар екі қаладан 163 мықты он бірінші сынып оқушылары төрт пәннен: математика, физика, химия және биологиядан күрделі тапсырмаларды шешті. Оқушылар теориялық және практикалық – екі кезеңге қатысты. Сонымен қатар, олимпиадаға қатысушылар үшін жоспарланған мәдени бағдарлама болған, оған ҚР Тұңғыш Президенті мұражайы мен облыстық тарихи-өлкетану мұражайына, атақты Теміртау қысқы бағына, жас көрермендер театрына бару, сондай-ақ қала көшелерімен серуендеу.

Президенттік олимпиаданың жаратылыстану-математика пәндері бойынша бағыты жыл сайын көптеген оқушыларды тартуда. Тоғыз жыл ішінде оған 1410 адам қатысты, 285 жеңімпаздары мен жүлдегерлері атанды, қазіргі таңда қазақстандық және шетелдік беделді жоо-да оқиды.

Олимпиаданы ұйымдастырушы – ҚР білім және ғылым Министрлігі “Дарын” республикалық ғылыми-практикалық орталығы. Мемлекет Басшысы Нұрсұлтан Назарбаевтың жеке тапсырмасы бойынша Олимпиада 2008 жылдан бері өткізілуде. Оның басты идеясы – дарынды балаларды анықтау және қолдау, патриоттық рухты, мықты, интеллектуалды, жоғары білімді қазақстандық оқушыларын тәрбиелеу, жаратылыстану-математика ғылымдарын тереңдетіп оқыту.

Президенттік олимпиаданың ұйымдастыру комитетінің құрамына ҚР білім және ғылым Министрлігінің, оның ведомстволық бағынысты ұйымдардың, білім беруді басқару органдарының,ҚР жоғары оқу орындарының ректорлар кеңесінің өкілдері кіреді. Қазылар алқасы алдыңғы қатарлы отандық және шетелдік жоғары оқу орындарының ғалымдарынан, халықаралық олимпиадалардың бұрынғы жеңімпаздарынан тұрады.

Президенттік олимпиадаға қазақстандық мектептер түлектерінің қатысуы өздерінің қабілеттерін, білімдерін тереңдету, толық деңгейде жүзеге асыру, жаратылыстану-математикалық бағыттағы пәндерге қызығушылықтарын арттыру мүмкіндігін береді. Олимпиаданың жеңімпаздары мен жүлдегерлері республиканың жоғары оқу орындарына түскен кезде білім беру гранттарын алуға құқығы басым болады.

Олимпиаданың қазылар алқасының шешімі бойынша І дәрежелі дипломмен және алтын медальмен 6 қатысушы марапатталды. Ең көп балл жинағандар Федор Шелестов (№165 мамандандырылған лицейі, Алматы қ.), Олег Ли, (№90 мамандандырылған мектеп-лицейі, Алматы қ.) және Арина Костыря (№5 гимназия, Рудный қ., Қостанай обл.).

II дәрежелі дипломдармен және күміс медальмен 13 адам, III дәрежелі дипломдармен және қола медальдармен – 21 қатысушы марапатталды.

ҚМИУ баспасөз қызметі

Ағымдағы жылдың қараша айының 8-нде ҚМИУ-дың Қазақ, орыс және шетел тілдері кафедрасының бастамасымен Л.Н. Гумилев атындағы  Еуразия ұлттық университетінің Стратегиялық даму және жоғары оқу орынынан кейінгі білім беру ісі бойынша проректоры, филология ғылымының докторы, профессор Дихан Қамзабекұлы университіміздің оқытушылары мен студенттеріне онлайн дәрісбаян оқыды.

Елімізде ғана емес, шетелде де алаштанушы ретінде белгілі  қоғам қайраткері   Д.Қамзабекұлының оқыған дәрісбаяны қазіргі қоғамдағы өзекті мәселелердің тамырын дөп басып, оны Алаш Орда көсемдерінің шығармашылығы мен іс-әрекеттерінен нақты мысалдар келтіру арқылы талдап бергені тыңдаушылар тарапынан үлкен қызығушылық тудырды.

Д. Қамзабекұлының дәрісібаянында Алаш қозғалысының 100 жылдығы қарсаңында еліміздің қоғамдық-саяси өмірінде болып жатқан өзгерістер мен жаңалықтар тың дәйектермен уәжделіп, терең ой айтылғандығымен маңызды болды. Сонымен қатар Елбасының «Рухани жаңғыру» бағдарламасына қатысты, дәлірек айтсақ, латын алфавитін қабылдау мәселесі, ұлттық құндылық – отбасылық құндылық  туралы қазіргі заманғы өзекті мәселелер де тақырыптан тыс қалған жоқ. Дәрісбаянның соңында Дихан Қамзабекұлы оқытушылар мен студенттердің қойған сұрағына жауап берді.

Соңында ҚМИУ ректоратының атынан университетіміздің Оқу ісі жөніндегі проректор м.а. Сивякова Г.А. алтын уақытын бөліп, мазмұнды онлайын дәрісбаян оқып берген Д.Қамзабекұлына  алғыс сөз айтты.  Осындай іс-шараларды өткізіп тұруға және алдағы уақытта іскерлік қарым-қатынастарын одан әрі жалғастыруға екі университет те ниетті екендігін білдірді.

Қазақ, орыс және

шетел  тілдер кафедрасы