28 ақпанда Қарағанды индустриялық университетінің профессорлы-оқытушылар құрамы мен қызметкерлері «Жоғары оқу орындарының қызметінде сыбайлас жемқорлыққа қарсы саясатты жүзеге асырудың тиімді жолдары» тақырыбында ақпараттық-түсіндіру жиналысына қатысты. Іс -шараның спикері Қазақстан Республикасы Сыбайлас жемқорлыққа қарсы іс-қимыл агенттігінің Қарағанды облысы бойынша департаментінің превенциялар және парасаттылық бөлімінің аға қызметкері Әлия Сүлейменова болды.

Тақырыптың өзектілігі – бүгінгі таңда білім беру ұйымдарындағы сыбайлас жемқорлыққа қарсы шаралар білім саласындағы өткір мәселе болып табылады. Қазіргі жағдайда сыбайлас жемқорлық ішкі мәселелері біртіндеп жаһандық мәселеге айналуда, сондықтан біздің мемлекетіміз сыбайлас жемқорлық құқық бұзушылықтар мен парақорлықты жою үшін бірқатар шаралар мен ұсыныстар әзірледі.

Кездесу барысында Әлия Маратқызы іс-шараға қатысушыларға Қазақстан Республикасының 2015 – 2025 жылдарға арналған Сыбайлас жемқорлыққа қарсы стратегиясын, «Сыбайлас жемқорлыққа қарсы күрес туралы» Заңын және құқықтық статистика мен басқа да деректерді жинау, өңдеу, жинақтау, талдау және бағалау арқылы жүзеге асырылатын сыбайлас жемқорлыққа қарсы мониторингке тоқталды. Сыбайлас жемқорлыққа қарсы мониторинг жүргізу кезінде пайдаланылған ақпараттар Қарағанды облысы бойынша Құқықтық статистика және арнайы есепке алу басқармасы және Қазақстан Республикасы жоғарғы сотының электрондық ақпараттық базасынан алынады.

Әлия Маратовна Сүлейменова сыбайлас жемқорлыққа қарсы мониторингтің келесі мәліметтерін жариялады, оған сәйкес, 2019 жылы құқықтық статистиканы бойынша жалпы, өткен 2017,2018 жылдардан айырмашылығы, квазимемлекеттік сектор ең жемқор – 36,3%, бұл көрсеткіш тек полицияда жоғары.

Бірқатар өңірлерде бұл көрсеткіш облыстық көрсеткіштен едәуір жоғары: Ақтоғай ауданы – 55,6%, Бұқар Жырау және Нұра аудандары – 53,6%, Осакаров ауданы – 53,3%, Жаңаарқа ауданы – 48,1%.
Сыбайлас жемқорлықтың жиі кездесетін себептері: университетке түсу, білім грантын алу және сессияны тапсыру.

Сыбайлас жемқорлық көріністерінің бастамашылары деп танылды: университет қызметкерлері – 41,2%, делдалдар – 39,2%, азаматтардың үлесі – 31,1%. Мәселені бейресми жолмен шешу туралы келісімге қол жеткізілді: мұғалімдер, әкімшілік жұмысшылар мен мамандар – 46,7%, аға персонал – 31,1%.

Ресми емес төлемдер қаржылық есептеу арқылы жүргізілді: 2000 нан 400000 теңгеге дейін, орташа мөлшері: 66619 теңге; әрбір бесінші жағдайда мекеме қызметкеріне сыйақы ретінде гүлдер немесе кәмпиттер (15,6%) берілді. сыбайлас жемқорлықтың салдары: 11,8%.

Кездесуді қорытындылай келе, Әлия Маратқызы 2019 жылы Қарағанды облысы бойынша ҰҚКД облыстың жоғары оқу орындарында сыбайлас жемқорлық құқық бұзушылықтары туралы тек 2 шағым түскенін атап өтті. Осылайша, жүргізілген сыбайлас жемқорлыққа қарсы мониторинг нәтижелері сыбайлас жемқорлыққа қарсы іс-қимыл субъектілері қабылдаған сыбайлас жемқорлыққа қарсы шараларды жетілдіруге бағытталған бірқатар тұжырымдар мен ұсыныстар жасауға мүмкіндік береді. Біздің мемлекет сыбайлас жемқорлықтың алдын-алуға бағытталған тиімді тәжірибені құруға және жылжытуға ұмтылады, сондай-ақ сыбайлас жемқорлықтың алдын алу және оған қарсы күрес тұрғысынан олардың сәйкестігін анықтау үшін тиісті құқықтық құжаттар мен әкімшілік шараларды кезең-кезеңімен бағалайды. Бұдан басқа, сыбайлас жемқорлықтың салдары туралы мәселені шешу үшін өзінің ішкі заңнамасының негізгі қағидаларына сәйкес шаралар қабылдайды. Қазіргі уақытта мемлекеттік органдармен сыбайлас жемқорлықты одан әрі жоюға бағытталған нақты шаралар қарастырылған сауалнамада көрсетілген Жол картасы әзірленуде.

Кездесу университеттің «Парасаттылық» мектебінің жұмыс жоспары аясында өткізілді.

ҚИУ баспасөз қызметі

---

Просмотров: 802